E' questo il mio augurio, uno a uno, agli amici del mio paese.
I picciriddi vannu strati strati
nta l'urtimo iornu di stu mìsi;
cu i campanazzi, prima d'à nuttàti
a fari a Nunna Vecchia ntò paìsi!
U sacchiteddu è chinu d'ogni cosa
e un picciriddu acchiàna, scinni e accùnna;
si mancia quattru "corna" e s'arriposa,
poi s'arripiglia pi gridari: O Nùnna!
Furrìa di San Jàbbicu a' Nunziàta
cu a canna all'aria acchiàna a Strat' 'e Sùsu,
A ggènti u talìa, tutta priàta
e u vecchiu già si senti cchiò carùsu...
E' troppu tardu! 'a casa hav' 'a turnàri !
e nzemmula cu iddu tutti l'àutri!
Di ddu saccòcciu 'un sapi cchiù chi fàri.
Ci 'avàstunu i carìzzii di so matri!
E ora, cu ll'augùri cchiò distìnti,
na cosa sùla, allura, vi dicèmu:
lassàmu stari i sciàrri e i cosi tinti,
vulèmuni cchiù bèni chi putèmu...
